Qazaqstannan shyqqan avtobýs Reseıde apatqa ushyrady
ASTANA. 28 qarasha. QazAqparat - Qazaqstannan shyqqan avtobýs Reseıde jol apatyna ushyrady, bir adam qaza tapty,
dep habarlady Ura.ru Chelıabi oblysy boıynsha ІІM MM málimetterine silteme jasaı otyryp.
Jol apaty 28 qarasha kúni túnde Chelıabi-Troıtsk jolynyń boıynda ıÝjnoýralsk qalasyna jaqyn mańda oryn aldy. Qazaqstannan shyqqan 18 jolaýshysy bar avtobýs Ekaterınbordan Rýdnyıǵa bara jatqan. Ol ózimen baǵyttas joldaǵy baǵdarshamnyń qyzyl túsinde toqtap turǵan VAZ-2111 «Bogdan» avtokóligimen soǵylǵan. Saldarynan «Bogdan» joldyń qarsy betine syrǵyp, avtobýs odan keıin MANjúk kóligine soǵylǵan. Apattyń saldarynan avtobýs júrgizýshisi mert boldy. Onyń qasynda otyrǵan ekinshi júrgizýshi ıyǵy men keýde tusyn jaraqattady. VAZ kóliginde eki adam zardap shekti. Barlyq japa shekkender ıÝjnoýralskiniń aýrýhanasyna jetkizildi.
Qazaqstannan shyqqan avtobýstyń jolaýshylary jol apaty bolǵan jerden 300 metr jerdegi ıÝjnoýralskiniń vokzalyna jaıaý júrip jetken. Shamamen bir saǵattan keıin olar Ekaterınbordan Qostanaıǵa baratyn avtobýsqa otyrǵyzylǵan. Aldyn ala málimetter boıynsha, apattyń oryn alýyna avtobýs júrgizýshisiniń qalǵyp ketýi sebep bolǵan kórinedi.
