Qazaqstannan shetelge jiberilgen qarjy kólemi bir jylda 26%-ke artty
ASTANA. QazAqparat - Qazaqstandyqtar men QR aýmaǵynda jumys isteıtin basqa eldiń azamattary shetelge aqsha aýdarý qarqynyn ulǵaıta túsýde, dep habarlady Ranking.kz.
Osy jylǵy 6 aıda Qazaqstannan shetelge túrli júıeler arqyly 203,3 mlrd teńge aýdarylǵan nemese bul ótken jylǵy qańtar-maýsymdaǵy kólemnen 25,8%-ke kóp. Aýdarymdardyń jalpy kólemi 1,2 mln tranzaktsııa - bul ótken jylǵy deńgeıden 21%-ke joǵary.
Eske salsaq, 2016 jylǵy 1 jartyjyldyqta shetelge aqsha aýdarymdarynyń sany 15,1%-ke qysqaryp, kemi 1 mln tranzaktsııany quraǵan. Aýdarymnyń ortasha somasy 4%-ke, tranzaktsııaǵa 175,5 myń teńgege deıin ósti.
Naryq kóshbasshysy - «Altyn táj» júıesi, - óz úlesin belsendi arttyrýdy jalǵastyrýda. Aǵymdaǵy jyly qańtar-maýsymda osy júıe arqyly 32,3 mlrd teńge aýdaryldy nemese bul kórsetkish ótken jylǵa qaraǵanda, 53,7%-ke joǵary boldy. Nátıjesine naryqta «Altyn tájdiń» úlesi 34,1%-ten 45,4%-ke deıin artty. Aqsha aýdarymdary kóleminiń ósimi boıynsha ekinshi orynda - ıÝnıstrım tur. Bul júıe arqyly 11,6 mlrd teńge aýdarylǵan nemese 2016 jylǵy 6 aımen salystyrǵanda 87%-ke joǵary.
Naryqta ıÝnıstrımniń úlesi bir jylda 8,2%-ten 12,3%-ke deıin ulǵaıdy. Osy jyly aýdarymdar kóleminiń ósimi boıynsha eleýli nátıje bergen úshinshi Faster - QR-dan shetelge aýdarylǵan soma 3,3 mlrd teńgege nemese 33,4%-ke artty. Naryqtyń eń iri oıynshylarynyń biri - Western Union júıesinde bıyl aýdarym kólemderiniń eleýli azaıǵany baıqalady. Ol arqyly jasalǵan tranzaktsııa kólemi 5 mlrd teńgege nemese 13,4%-ke qysqardy.
Operatordyń úlesi bir jyl burynǵy 23,2%-ten 16%-ke deıin qysqardy. «Altyn táj» - kósh bastap tur. Bir jylda tranzaktsııa mólsheriniń ósim kórsetkishi 92 myńǵa nemese 22,4%-ke artty. Ekinshi orynda ıÝnıstrım, operatsııa sany 69,5 myńǵa, eki esege ósip, 145,9 myńdy qurady. Úshtikti Western Union jabady, onda tranzaktsııa sany 22,7 myń, bir jyl burynǵyǵa qaraǵanda, 18,3%-ke joǵary.
