Qazaqstannan shetelge zańsyz shyǵarylǵan qarjyny qaıtarý jeńildedi

ASTANA. QazAqparat - Búginde sheteldege zańsyz shyǵarylǵan 56 mln. dollar somasyndaǵy qarjy tosqaýyldandy. Bul týraly búgin alqa májilisinde QR Bas prokýrorynyń orynbasary Andreı Kravchenko málim etti, dep habarlaıdy QazAqparat.

«Kelesi joba shetelde jınaqtalǵan qylmystyq aktıvterdi izdestirý men qaıtarý boıynsha jumys algorıtmin túpkilikti jaqsarta alady. Kez kelgen el úshin bul másele ózekti. Osy oraıda keltirilgen zalal kólemi mıllıardtaǵan dollarmen esepteledi. Bul turǵyda bizge BUU-dan, Dúnıejúzilik bankten, Italııadan, Lıvadan, Izraılden, AQSh-tan, Ulybrıtanııadan sarapshylar kómektesýde», - dep toqtaldy Kravchenko.

Onyń sózine qaraǵanda, osy baǵytta sarapshylarmen birge aktıvterge jedel tosqaýyl qoıyp, elge qaıtarý boıynsha 186 tergeýshi men prokýrorlar oqytylǵan kórinedi.

«Búginde shetelde 56 mln dollar somasyndaǵy qarjy tosqaýyldandy. Ekinshiden, 10 ulttyq jattyqtyrýshyny daıarlyqtan ótkizdik, olar óz kezeginde tájirıbelerin basqa prokýrorlar men tergeýshilerge úıretedi. Úshinshiden, aktıvterdi qaıtarý turǵysynda aqparat almasý boıynsha álemdik jelilerge qosyldyq», - dedi Bas prokýrordyń orynbasary.