Qazaqstannan Reseıge ushatyn áýe reısteriniń sany artady – QR IIDM

NUR-SULTAN.QazAqparat - 2021 jylǵy 31 tamyzda Qazaqstan Respýblıkasynyń aýmaǵynda koronavırýs ınfektsııasynyń paıda bolýy men taralýyna jol bermeý jónindegi vedomstvoaralyq komıssııanyń (budan ári - Vedomstvoaralyq komıssııa) kezekti otyrysyna Qazaqstan men Reseı arasyndaǵy reıster sanyn ulǵaıtý máselesi shyǵaryldy.

Nátıjesinde 2021 jyldyń 22 qyrkúıeginen bastap «Qazaq Air» áýe kompanııasy aptasyna 1 reıspen Aqtóbe–Qazan baǵytynda ushýdy bastaıtyn boldy, dep habarlaıdy QazAqparat QR Indýstrııa jáne ınfraqurylymdyq damý mınıstrliginiń Telegram kanalyna silteme jasap.

Reseımen aradaǵy reıster sanynyń odan ári ulǵaıýy epıdemıologııalyq jaǵdaıǵa, Vedomstvoaralyq komıssııa sheshimderine jáne Reseı Federatsııasynyń tıisti memlekettik organdarynyń sheshimderine baılanysty bolady.

Reıster sanıtarlyq-epıdemıologııalyq talaptardy qatań saqtaı otyryp jáne áýe kompanııasynyń saıtynda jarııalanǵan kestege sáıkes oryndalady.

Aıta keteıik, osyǵan deıin vedlmstvoaralyq komıssııanyń otyrysynda Qazaqstannan Túrkııaǵa ushatyn áýe reısteriniń sanyn arttyrý týraly sheshim qabyldanǵan edi.