Qazaqstannan Reseıge oq pen qarý alyp ótpek bolǵandar ustaldy
ASTANA. QazAqparat - Qazaqstan shekarashylary Qazaqstan-Reseı shekarasynan oq jáne qarý alyp ótpek bolǵandardy qolǵa túsirdi, dep habarlaıdy «QazAqparat» HAA QR UQK Shekara qyzmetine silteme jasap.
«Qurmanǵazy avto» ótkizý beketinde Qazaqstannan Reseıge «Mıtsýbısı Galant» kóligimen ketip bara jatqan 25 jastaǵy Qazaqstan azamaty ustaldy. Ol shekaradan eshqandaı ruqsat qujatsyz oq jáne travmatıkalyq tapansha alyp ótpek bolǵan.
Dál osy kúni Oraldaǵy shekara otrıadyna qarasty «Syrym avto» ótkizý beketinde taǵy eki qazaqstandyq azamat ustaldy. Olar mingen «Toıota Land Krýzer» kóligin tekserý barysynda, júk salǵyshtan 12 mm 50 oq jáne ańshy myltyǵy tabyldy.
