Qazaqstannan Reseıge kólik aparý kezinde qandaı sharalar qoldanylady
QR Memlekettik kirister komıtetiniń málimetinshe, Reseı Federatsııasy, Belarýs, Qazaqstan, Armenııa jáne Qyrǵyz respýblıkalarynyń aýmaqtary EAEO-nyń biryńǵaı kedendik aýmaǵyn quraıdy. EAEO kedendik aýmaǵynyń shekteri EAEO kedendik shekarasy bolyp tabylady.
«EAEO Keden kodeksiniń (EAEO KK) 2-baby 1-tarmaǵynyń 47-tarmaqshasyna sáıkes mynalar EAEO taýarlary bolyp tabylady:
- EAEO kedendik aýmaǵynda ornalasqan, EAEO kedendik aýmaǵynda tolyǵymen óndirilgen;
- EAEO-nyń kedendik aýmaǵynda ornalasqan, EAEO taýarlary mártebesin alǵan, ne EAEO-nyń KK-qa sáıkes, ne ol kúshine engenge deıin EAEO taýarlary dep tanylǵan taýarlar.
EAEO taýarlary mártebesi bar kólik quraldary EAEO kedendik aýmaǵy sheńberinde erkin qozǵalady», - delingen habarlamada.
Sonymen qatar, kólik quraldaryn Qazaqstan Respýblıkasynan Reseı Federatsııasyna aparý kezindegi kelesi táýekelder bar:
Qazaqstan Respýblıkasynda Dúnıejúzilik saýda uıymyna qosylý sharty retinde qabyldanǵan mindettemelerge sáıkes kólik quraldarynyń keıbir sanattaryna qatysty kedendik ákelý bajdarynyń «tómendetilgen» stavkalary qoldanylady.
Qazaqstan Respýblıkasy Dúnıejúzilik saýda uıymyna qosylǵandyqtan EAEO Biryńǵaı kedendik tarıfi bajdarynyń mólsherlemelerimen salystyrǵanda barynsha tómen kedendik ákelý bajdarynyń mólsherlemeleri qoldanylady. Osyǵan oraı Qazaqstannyń DSU-ǵa qosylý sharty retinde qabyldanǵan mindettemeleri bar. Osyǵan tómen stavkalar qoldanatyn jeńil kólik quraldarynyń tizbesi jáne olardyń baj mólsherlemeleri bekitildi (EEK keńesiniń 2015 jylǵy 14 qazandaǵy №59 sheshimi).
«Mundaı kólik quraldary shartty túrde shyǵarylǵan jáne sheteldik taýarlar mártebesine ıe. Reseı Federatsııasynda turaqty turatyn adamdardyń atalǵan kólik quraldaryn Reseı Federatsııasyna ákelýine tyıym salynady.
Kedendik ákelý bajdarynyń tómendetilgen mólsherlemeleri qoldanyla otyryp, Qazaqstan Respýblıkasynyń aýmaǵynda aınalymǵa shyǵarylǵan Qazaqstan Respýblıkasynda turaqty turatyn tulǵalar (Qazaqstan Respýblıkasynyń azamattary nemese ózge de tulǵalar) jáne eger osyndaı jeńil avtomobılder men ózge de motorly kólik quraldary Qazaqstan Respýblıkasynyń aýmaǵynda kórsetilgen merzimderde tirkelgen jaǵdaıda, basqa múshe memleketterdiń aýmaǵyna ýaqytsha ákele alady», - dep túsindirdi vedomstvodan.
Ol úshin kólik quraldaryn sáıkestendirýge múmkindik beretin málimetterdi qamtıtyn qujattary bolyp, onda kedendik ákelý bajdarynyń tómendetilgen mólsherlemelerin qoldana otyryp, aınalymǵa shyǵarylǵany týraly belgisi bolýy kerek.
