Qazaqstannan Reseıge eki myńnan astam júk kóligi jeńildetilgen tártippen kirdi

ASTANA. KAZINFORM – Reseıdiń Federaldyq keden qyzmeti Qazaqstannan el aýmaǵyna 2 122 júk kóliginiń jeńildetilgen tártippen ótkenin habarlady, dep málimdeıdi agenttiktiń menshikti tilshisi.

Vedomstvo Telegram-arnasynda Tolıattı qalasyndaǵy ýaqytsha saqtaý qoımalarynyń birinde túsirilgen júk kólikteri kórsetilgen vıdeony jarııalady.

Eske salaıyq, 2025 jylǵy 24 qazanda Reseı Prezıdentiniń №778 Jarlyǵymen Qazaqstan men Qyrǵyzstannan Reseıge avtokólikpen taýar tasymaldaý úshin ýaqytsha jeńildetilgen rejım engizilgen bolatyn. Ol 2025 jylǵy 10 jeltoqsanǵa deıin qoldanysta bolady.

Atalǵan merzim ishinde Qazaqstan men Qyrǵyzstannan Reseıge taýarlardy EAEO taýar mártebesin rastaýsyz jáne mindetti markalaýdy talap etpeı-aq avtokólikpen jetkizýge ruqsat beriledi.

Buǵan deıin EAEO aýmaǵynda júk tasymalyn baqylaýdyń jańa júıesi engiziletini habarlanǵan edi.