Qazaqstannan Reseı arqyly Eýropaǵa tasymaldanatyn eksport júgi 6% kemigen
ASTANA. QazAqparat – Qazaqstannan Reseı arqyly Eýropaǵa 9 aıdyń ishinde tasymaldanǵan eksporttyq júk kólemi byltyrǵydan 6 paıyzǵa kemigen, dep habarlaıdy QazAqparat tilshisi.
«Eýropa elderi boıynsha 6,5 mln tonna eksporttyq júk, 122,6 myń tonna ımporttyq júk jáne 3,5 mln tonna tranzıttik júk tasymaldandy. Eýropalyq Odaqqa Reseı arqyly jyldyń 9 aıynda 6,2 mln tonna eksporttyq júk jóneltildi. Bul byltyrǵydan 6% az», - dedi komıtet ókili Kazakhstan Global Investment Roundtable-2022 atty jahandyq ınvestıtsııa jónindegi dóńgelek ústeldiń jalpy otyrysynda.
Onyń aıtýyna qaraǵanda, Qytaıdan Eýropaǵa Qazaqstan aýmaǵy arqyly konteınermen tasymaldanatyn júk kólemi de azaıǵan.
«Konteınermen tasymaldanatyn júkke kelsek, Qytaı-Eýropalyq Odaq-Qytaı baǵytynda jıyrma fýttyq ekvıvalenttegi 377,6 myń konteıner jóneltildi. Bul byltyrǵymen salystyrǵanda 23% az», - dedi Qasym Tilepov.
