Qazaqstannan iri qara mal etin eksporttaý ýaqytsha shekteledi
ASTANA. KAZINFORM — Aýyl sharýashylyǵy mınıstrligi «Qazaqstan Respýblıkasy aýmaǵynan iri qara maldyń (sıyr etiniń) etin eksporttaýdyń keıbir máseleleri týraly» buıryq jobasyn ázirledi.
— Qazaqstan Respýblıkasynyń aýmaǵynan 2025 jylǵy 31 jeltoqsanǵa deıin iri qara mal etin (sıyr etin) (Eýrazııalyq ekonomıkalyq odaqtyń syrtqy ekonomıkalyq qyzmetiniń taýar nomenklatýrasynyń kodtary: 0201 — iri qara mal eti, jańa soıylǵan nemese salqyndatylǵan jáne 0202 — iri qara mal eti, muzdatylǵan) Qazaqstan Respýblıkasynyń aýmaǵynan úshinshi elderge jáne Eýrazııalyq ekonomıkalyq odaq elderine shyǵarýǵa sandyq shekteýler (kvotalar) engizý kózdelgen, — delingen buıryq mátininde.
Qujat bıylǵy jyldyń 22 qazanyna deıin kópshilik talqylaýyna shyǵarylǵan.
Qujat 2025 jylǵy 29 tamyzdaǵy Syrtqy saýda saıasaty jáne halyqaralyq ekonomıkalyq uıymdarǵa qatysý máseleleri jónindegi Vedomstvoaralyq komıssııanyń sheshimi negizinde ázirlengen.
Aıta keteıik, buǵan deıin Saýda mınıstri sıyr etine kórshi elderden suranys joǵary ekenin aıtqan bolatyn.