Qazaqstannan Olımpıadaǵa qatysatyn tennısshiler anyqtaldy

NUR-SULTAN. QazAqparat – Qazaqstannan Tokıo Olımpıadasyna qatysatyn tennısshiler anyqtaldy, dep habarlaıdy QazAqparat tilshisi.

Qazaqstan tennıs federatsııasy málim etkenindeı, dúnıejúzilik reıtıngke sáıkes Tokıoda el namysyn erler arasynda Aleksandr Býblık, áıelderden Elena Rybakına, ıÝlııa Pýtıntseva jáne ıAroslava Shvedova qorǵaıdy.

ıA.Shvedova úshin bul úshinshi Olımpıada bolmaq.

Іrikteý tártibine sáıkes jekeleı synda olımpıadalyq oıyndarǵa ár elden erler men áıelderden tórt úzdik tennısshiden qatysa alady. Ol úshin oıynshy ATP jáne WTA reıtıngilerine 2021 jylǵy 14 maýsymdaǵy málimet boıynsha úzdik 56 tennısshiniń qataryna kirýi kerek jáne Devıs kýbogy men Federatsııa kýbogynda sol eldiń atynan óner kórsetken bolýy tıis.

Eske sala keteıik, budan buryn Elena Rybakınanyń álemdik reıtıngide 21-orynǵa kóterilgenin, Andreı Golýbevtiń juptyq reıtıngide álemdegi úzdik 40 tennısshiniń qataryna engenin jazǵan bolatynbyz.