Qazaqstannan munaı ónimin zańsyz tasymaldaǵan reseılik kásipker sottaldy
ASTANA. QazAqparat - Reseıdiń Rýbtsovsk qalasynda jergilikti kásipkerge qatysty sot boldy. Ol Qazaqstannan shamamen 81 myń lıtr munaı ónimderin zańsyz tasymaldaǵany úshin aıyptalyp otyr, dep habarlaıdy barnaul.me.
Bıznesmen «Altaı shıkizat kompanııasynyń» dırektory qyzmetin atqarǵan. Er adam qylmystyq áreketter jasap júrgenin, munaı ónimderi strategııalyq mańyzdy resýrstarǵa jatqyzylatynyn bilgen.
Tasymaldanǵan taýarǵa jalǵan qujattar ázirlengen. Sol arqyly ol Qazaqstannan quny 2 mln. 300 myń rýblden asatyn otyndy tasymaldaǵan. Sot er adamdy úsh jylǵa bas bostandyǵynan aıyrý jazasyna kesti.
