Qazaqstannan mal áketýge salynǵan tyıymnyń merzimi uzartyldy
ASTANA. KAZINFORM – Aýyl sharýashylyǵy mınıstrligi iri qara men usaq maldyń analyǵyn Qazaqstannan shyǵarýǵa salynǵan tyıymnyń merzimin taǵy alty aıǵa uzartpaq.
«Qazaqstan Respýblıkasynyń aýmaǵynan iri qara men usaq maldyń analyq basyn áketýge alty aı merzimge tyıym salý engizilsin», - dep jazylǵan buıryq jobasynda.
Negizi atalǵan sheshim 26 shildede ótken vedomstvoaralyq komıssııa jıynynda qabyldanǵan bolatyn.
Osyǵan deıin Aýyl sharýashylyǵy mınıstrligi Qazaqstan aýmaǵynan syrttan bıdaı ákelýge 5 aılyq tyıym salý týraly buıryq jobasyn qoǵam talqylaýyna shyǵarǵany týraly jazdyq.
«Qazaqstan Respýblıkasynyń aýmaǵy arqyly bıdaıdyń tranzıtin, sondaı-aq olardyń Qazaqstan Respýblıkasynyń aýmaǵy arqyly Eýrazııalyq ekonomıkalyq odaqqa múshe bir memlekettiń aýmaǵynan osy odaqqa múshe ekinshi memlekettiń aýmaǵyna oryn aýystyrýyn qospaǵanda Qazaqstan Respýblıkasynyń aýmaǵyna úshinshi elderden jáne Eýrazııalyq ekonomıkalyq odaq elderinen kóliktiń barlyq túrlerimen bıdaı ákelýge 2024 jylǵy 31 jeltoqsanǵa deıingi merzimge tyıym salý engizilsin», - dep jazylǵan qujatta.
