Qazaqstannan Qytaıǵa 10 mln teńge alyp ótpek bolǵan eki azamat ustaldy

NUR-SULTAN. QazAqparat – Búgin Almaty oblysynda shekarashylar Qazaqstannan Qytaıǵa deklaratsııalanbaǵan qarajat ótkizbek bolǵan eki azamatty ustady. Bul týraly QazAqparat QR Qarjy mınıstrliginiń Memlekettik kirister komıtetiniń baspasóz qyzmetine silteme jasap habarlaıdy.

«2019 jyldyń 24 qyrkúıeginde Almaty oblysy boıynsha Memlekettik kirister departamenti «Qorǵas» shekara mańy yntymaqtastyq halyqaralyq ortalyǵy» keden beketiniń qyzmetkerleri QR UQK ShQ №2088 áskerı bóliminiń qyzmetkerlerimen birlesip kedendik baqylaýdy júzege asyrý barysynda eki qazaqstandyq azamatty ustady», - delingen habarlamada.

Azamattar Qazaqstannan Qytaıǵa deklaratsııalanbaǵan 5 000 000 teńge jáne 5 531 000 teńge kóleminde qarajat alyp ótpek bolǵan.

«Qazirgi ýaqytta kináli tulǵalar QR «Ákimshilik quqyq buzýshylyq týraly» Kodekstiń 551-baby, 3-bólimi boıynsha ákimshilik jaýapqa tartyldy», - deıdi baspasóz qyzmeti.