Qazaqstannan Qyrǵyzstanǵa kómek retinde 1 000 tonna bıdaı tuqymy jetkizildi
Bul týraly QazAqparat QR syrtqy ister mınıstrliginiń baspasóz qyzmetine silteme jasap habarlaıdy.
Júkti tapsyrý rásimi «Bishkek-1» temir jol stansasynda Qazaqstannyń Qyrǵyzstandaǵy Elshisi Rápil Joshybaev pen Qyrǵyzstannyń Aýyl sharýashylyǵy mınıstri Askarbek Djanybekovtyń qatysýymen ótti.
Mınıstr iriktelgen bıdaı tuqymdarymen qamtamasyz etýde qoldaý kórsetkeni úshin Qazaqstan tarapyna shynaıy rızashylyǵyn bildirdi jáne bul el fermerler shyǵaratynyn ónimniń sapasy men ónimdiliginiń ósýine áser etedi.
«Іriktelgen tuqym túrindegi izgilik kómek otandyq tuqym sapasyn arttyrady. «Qarabalyq-20» sortynyń qazaqstandyq tuqymdary sebý standartynyń birinshi sanatyna mynadaı sorttyq jáne sebý sapasymen sáıkes keledi: ylǵaldylyǵy – 14%-ten aspaıdy, óngishtigi – 95%-ten kem emes, sorttyq tazalyǵy – 99,7%-ten kem emes. Tuqymdar karantındik aramshópterden, aýrýlardan jáne kez kelgen bóten ıisterden tazartylǵan», – dep atap ótti A.Djanybekov.
Óz kezeginde Elshi izgilik júkti jetkizýdi Qazaqstan Úkimeti Memleket basshysynyń Qyrǵyzstan Prezıdenti Sadyr Japarovpen kelissózderiniń nátıjesimen bergen tapsyrmasyna sáıkes uıymdastyrǵanyn atap ótti.
Qazaqstan basshylyǵy Qyrǵyzstannyń ótinishterine túsinistikpen qarap, mańyzdy áleýmettik-ekonomıkalyq máselelerdi sheshýge barynsha yqpal etti jáne eleýli izgilik kómek kórsetti.
Atap aıtqanda, 2020 jylǵy mamyrda 5 myń tonna kóleminde qazaqstandyq undy jetkizý túrinde, al bir jyldan keıin, 2021 jyldyń mamyr aıynda 10 myń tonna un túrinde izgilik kómek jiberildi.
Aıta keterligi, is-shara Naýryz meıramy qarsańynda ótýde, ol halyqtarymyz úshin árdaıym jańarýdyń, alǵa jyljýdyń, órleý men damýdyń nyshany bolyp tabylady.
«Qazaq qyrǵyz bir týǵan» degen qanatty sóz beker aıtylmaǵan. Baýyrlas eki eldiń yntymaǵy odan ári nyǵaıa beretinine senimdimin» – dep atap ótti Elshi R. Joshybaev.
