Qazaqstannan «qylmys áleminiń serkesi» qýyldy
ASTANA. QazAqparat - Qazaqstan aýmaǵynan «qylmys áleminiń serkesi» grýzın Davıd Gerlıanı shyǵaryldy. Bul jaıynda QR ІІM Memlekettik til jáne aqparat departamentiniń dırektory Almas Sadýbaev aıtty, dep habarlaıdy QazAqparat.
«Búgin QR ІІM jáne UQK qyzmetkerleri kóshi-qon zańnamasyn buzǵany úshin «Dato Svan» laqap atymen tanymal qylmys áleminiń bedeldisi grýzın Gerlıanı Davıd Nýgzarulyn respýblıka aýmaǵyna kelýge tyıym sala otyryp, shyǵaryp jiberdi. Ol elimizdiń aýmaǵyna «urylar ıdeologııasyn» taratý maqsatynda ózge bireýdiń tólqujat málimetterimen kelgen. Mınıstrlik taıaý jáne alys shet elderdiń qylmys álemi ókilderiniń respýblıkaǵa enýine jol bermeý sharalaryn turaqty negizde júzege asyrýda», - dedi Almas Sadýbaev.
