Qazaqstannan kishi qajylyqqa ketkender qandaı ıdeologııamen oralary belgisiz - Ǵalym Shoıkın
Qazir ázirlenip jatqan terrorızm men ekstremızmge qarsy zań jobasy ýmra qajylyǵyn qatty baqylaýǵa alýdy kózdeıdi,-deıdi Shoıkın.
«Qazaqstan musylmandary dinı basqarmasynyń qajylyq pen ýmrany týrıstik agenttikterden ajyratyp, tikeleı memleket pen musylmandar dinı basqarmasynyń qaraýyna berý týraly usynysyn din isteri komıteti tolyǵymen quptaıdy. Nege? Sebebi, qazirgi zań boıynsha, Qazaqstanda dinmen tirkelgen dinı uıym ǵana aınalysa alady, Qazaqstan musylmandary dinı basqarmasy sondaı uıym. Al, qajylyq pen ýmra bul tikeleı dinı rásimder, ıaǵnı, týrızm emes. Sondyqtan, zańǵa júginsek, qajylyq pen ýmra tek dinı uıym aınalysa alatyn másele. Onyń ústine, qajylyqqa baratyn adamdardyń ıdeologııalyq jáne rýhanı qaýipsizdigi taǵy bar. Ózimiz biletindeı, qajylyq Qazaqstan musylmandary dinı basqarmasynyń tikeleı aralasýymen ótetin sapar. Dinı basqarmanyń ımamdarynan, medıtsınalyq qyzmetkerler men basqa da mamandardan quralǵan top jyl saıyn qajylyqqa ketken azamattarymyzdyń amandyǵyn, olardyń barǵanda jasaıtyn qulshylyǵyn qadaǵalap otyrady»,-deıdi Ǵ.Shoıkın.
ıAǵnı, komıtet tóraǵasy atap ótkendeı, qazirgi zańnama boıynsha úlken qajylyqqa baratyn qazaqstandyqtardyń rýhanı qaýipsizdigi qadaǵalanyp otyr deýge bolady. Qaýip tóndirip turǵany másele - ýmra qajylyǵy.
«Ýmraǵa toqtalatyn bolsaq, bul jerde belgili bir qaýip bar. Sebebi, ýmra jyl on eki aı boıy jasaýǵa bolatyn qulshylyq, qazir ýmra qajylyǵy zań boıynsha qadaǵalanyp otyrǵan joq jáne basqa týrıstik saparlardan esh aıyrmashylyǵy joq deýge bolady. Tıisinshe, ýmra qajylyǵyna baram deýshilerge kez kelgen týrıstik agenttik qyzmet kórsetip jatyr. Týrıstik agenttik olardyń rýhan qaýipsizdigin múlde qaperge ilmeı otyr. ıAǵnı, azamattarymyz jyl boıy ýmra qajylyǵyna attanady da 5-10 kún boıy rýhanı aqparat izdeıdi. Olardyń janynda erip júrgen ımamdarymyz, bolmasa, dinı basqarmanyń basqa qyzmetkerleri joq. Osylaısha, «adasyp» júrgen azamattarymyz ózderi túr-sıpatyn bilmeıtin uıymdar men dinı aǵymdardan aqparat alýy múmkin. Ýmraǵa rýhanı baıyp qaıtamyz dep ketken azamattarymyz osylaısha qandaı ıdelogııamen oralatynyn eshkim bilmeıdi. Jat dinı aǵymnyń vırýsyn juqtyratyn alǵashqy qadam osy bolmaq»,-dep túsindirdi Ǵ.Shoıkın.
«Búgingi kúni Din isteri komıteti men Qazaqstan musylmandary dinı basqarmasy osy máseleni kóterip, ony bir izge salý jóninde usynystar ázirlegen. ıAǵnı, úlken qajylyq sııaqty kishi qajylyq ta Qazaqstan musylmandary dinı basqarmasynyń qadaǵalaýymen júzege asýy tıis»,-dep túıindedi ol.
