Qazaqstannan qaı elderge tikeleı áýe reısteri bar
ASTANA. KAZINFORM — Qazirgi tańda Qazaqstan Respýblıkasynan 28 elge halyqaralyq áýe qatynasy ornatylǵan, barlyǵy 121 baǵyt boıynsha aptasyna 660 reıs oryndalady. Bul týraly Kólik mınıstrliginiń baspasóz qyzmeti habarlady.
Qazaqstan Respýblıkasy Kólik mınıstrliginiń Azamattyq avıatsııa komıteti turaqty negizde jańa halyqaralyq áýe baǵyttaryn ashý jumystaryn júrgizip jatyr. Osylaısha «SCAT» áýe kompanııasy bıyl Shymkent qalasynyń áýejaıynan kelesi jańa halyqaralyq baǵyttardy ashýdy josparlap otyr:
27 mamyrdan bastap:
Shymkent – Býdapesht (Vengrııa), aptasyna 2 reıs;
Shymkent – Mıýnhen (Germanııa), aptasyna 3 reıs;
28 mamyrdan bastap:
Shymkent – Sıan (Qytaı), aptasyna 2 reıs;
29 mamyrdan bastap:
Shymkent – Kaır (Mysyr), aptasyna 2 reıs;
Shymkent – Shanhaı (Qytaı), aptasyna 2 reıs;
Shymkent – Seýl (Koreıa), aptasyna 2 reıs;
30 mamyrdan bastap:
Shymkent – Úrimshi (Qytaı), aptasyna 2 reıs.
«Air Astana» áýe kompanııasy da birneshe jańa halyqaralyq baǵytty iske qosýdy josparlap otyr:
30 naýryzdan bastap:
Almaty – Gýanchjoý (Qytaı), aptasyna 3 reıs;
Almaty – Nıachang (Vetnam), aptasyna 2 reıs;
31 naýryzdan bastap ashyldy:
Astana – Nıachang (Vetnam), aptasyna 2 reıs;
Josparǵa engizilgen áýe reısteri:
20 sáýirden bastap: Almaty – Mýmbaı (Úndistan), aptasyna 3 reıs;
14 mamyrdan bastap: Astana – Danang (Vetnam), aptasyna 2 reıs;
27 mamyrdan bastap: Atyraý – Tbılısı (Grýzııa), aptasyna 3 reıs;
28 mamyrdan bastap: Almaty – Osh (Qyrǵyzstan), aptasyna 4 reıs;
31 mamyrdan bastap: Atyraý – Baký (Ázirbaıjan), aptasyna 3 reıs;
1 maýsymnan bastap: Almaty – Frankfýrt (Germanııa), aptasyna 3 reıs;
4 maýsymnan bastap: Almaty – Danang (Vetnam), aptasyna 2 reıs.
«Qazaq Air» áýe kompanııasy 2025 jyldyń 1 mamyrynan bastap Astana – Túrkistan – Samarqand jańa halyqaralyq baǵytyn aptasyna 2 reıs jıiligimen iske qosýdy josparlap otyr.
«Fly Arystan» áýe kompanııasy bıylǵy jyly kelesi jańa baǵyttardy ashýdy josparlap otyr:
18 mamyrdan bastap:
Almaty – Inın (Qulja), aptasyna 2 reıs;
4 maýsymnan bastap:
Qaraǵandy – Ystanbul (Túrkııa), aptasyna 2 reıs.
Sondaı-aq birqatar sheteldik áýe kompanııasy Qazaqstan Respýblıkasyna jańa reıster ashyp jatyr:
«Eastar Jet» (Koreıa):
7 sáýirden bastap Seýl – Almaty baǵyty ashyldy, aptasyna 2 reıs;
2025 jyldyń kóktem-jaz maýsymynda Pýsan – Almaty baǵyty ashylady, aptasyna 2 reıs;
«TWay» (Koreıa):
2025 jyldyń kóktem-jaz maýsymynda Seýl – Astana baǵyty, aptasyna 2 reıs;
«Spice Jet»:
2025 jyldyń kóktem-jaz maýsymynda Delı – Almaty baǵyty, aptasyna 4 reıs;
«Air Cairo» (Mysyr):
3 sáýirden bastap Sharm-el-Sheıh – Qostanaı baǵyty ashyldy, aptasyna 1 reıs;
13 sáýirden bastap Hýrgada – Almaty baǵyty, aptasyna 2 reıs;
«Thai Air Asia X» (Taıland):
2025-2026 jyldardaǵy kúz-jaz maýsymynda Bangkok jáne Phýket qalalarynan Almatyǵa baǵyttar josparlanǵan.
Jańa áýe baǵyttarynyń ashylýy jolaýshylar úshin tańdaý múmkindigin arttyrýǵa, áýe tasymaly naryǵyndaǵy básekelestikti kúsheıtýge yqpal etedi. Bul óz kezeginde tasymal baǵasyna oń áser etip, qyzmet kórsetý sapasynyń artýyna múmkindik beredi.