Qazaqstannan Ispanııaǵa jylyna qansha týrıst barady
«Qazaqstandyqtar úshin Ispanııa - óte qyzyqty el. Jyl saıyn ol elge shamamen 80 mln týrıst barady. Oılap qarańyz, bul degenińiz bir jylda Ispanııanyń óz halqynan eki ese kóp týrıst keledi degen sóz. Adamdar ol jerge demalýǵa kelip, qansha aqsha tastap ketetinin esepteı berińiz. Bul - memleket úshin de úlken qarajat. Birshama qazaqstandyqtyń da shetelde, Ispanııada múlkiniń bary qupııa emes. Qazaqstandyqtar ásirese teńizge, Ispanııanyń teńizge shyǵatyn bóligine erekshe qyzyǵady», - deıdi dıplomat.
Onyń aıtýynsha, jylyna naqty qansha qazaqstandyqtyń Ispanııaǵa baratyny jaıly aıqyn statıstıkalyq málimet joq.
«Dese de, bizdiń boljaýymyzsha, ol san 100 myń adamnan artyq. Shamamen 300-400 myń adam dep aıtar edim. Olar jyl boıy Ispanııaǵa barady. Ispanııadaǵy teńiz jaǵasyndaǵy demalys qana emes, mádenı oryndar da erekshe qyzyqtyratynyn atap ótkim keledi. Ispanııa UNESCO-men qorǵalǵan nysandar boıynsha álemniń iri úsh eline jatatynyn aıta ketkim keledi», - deıdi Konstantın Jıgalov.