Qazaqstannan Frantsııaǵa zańsyz shyǵarylǵan kapıtaldy tárkileý múmkindigi bolady
Búgin Májilistiń jalpy otyrysynda Qazaqstan men Frantsııa arasyndaǵy qylmystyq ister boıynsha ózara quqyqtyq kómek týraly shartty ratıfıkatsııalaý týraly» Zańy qabyldady.
Osy oraıda depýtat Erlan Saırov Qazaqstannan shetelge zańsyz ketken kapıtalǵa qatysty suraq qoıdy.
«Frantsııada Qazaqstan halqyna tıesili kapıtal tabylsa, osy shart aıasynda bul qarajatty elimizge qaıtarýdyń tetikteri eskerilgen be», - dep surady depýtat.
Óz kezeginde QR Bas prokýrorynyń orynbasary Áset Shyndalıev atalǵan qujat aıasynda bank shottaryn alýǵa, tintý men múlikti tárkeleý qadamdary eskerilgenin aıtty. Kapıtaldy qaıtarý máselesi eki jaqtan suraý salý arqyly júrgiziledi.
«Bul kelisimshartta tıisti is-sharalar kórsetilgen. Qylmystyq jolmen tapqan aqsha Frantsııaǵa shyǵarylǵanyn kórsek, bul elge suraý joldanady. Olardyń tergeý organdary bank shottaryn anyqtap, bizge aqparat beredi. Sondaı-aq bizdiń suraý boıynsha bul qarajatqa shekteý qoıady. Munymen qosa, tárkileý júrgizý qadamdary da eskerilgen. Osy oraıda bul zańsyz shyǵarylǵan qarajatty paıdalaný múmkin bolmaıdy», - dedi Á. Shyndalıev.
