Qazaqstannan eki sportshy short-trekten álemdik týrdyń B fınalyna shyqty

ASTANA. KAZINFORM – Dordrehtte (Nıderland) short-trekten álemdik týrdyń tórtinshi kezeńiniń sońǵy jarys kúni ótip jatyr.

Áıelder arasynda 1500 metrlik qashyqtyqtyń V fınalyna eki qazaqstandyq sportshy joldama aldy. QR UOK málimetinshe, Olga Tıhonova men Malıka Ermek ekinshi jartylaı fınalǵa qatysty. Tıhonova tórtinshi bolyp kelip, tikeleı V fınalyna shyqty.

Al Ermek altynshy oryn aldy. Alaıda jarys barysynda oǵan qarsy ereje buzylyp, sportshymyz jyldamdyǵyn joǵaltyp aldy. Sonyń nátıjesinde tóreshiler Malıkany V fınalyna ótkizý týraly sheshim qabyldady.

Aıta keteıik, A fınalyna ár jartylaı fınaldan alǵashqy eki sportshy, sondaı-aq úshinshi oryn alǵandardyń ishindegi eń úzdik ýaqyt kórsetkishin tirkegen bir ǵana sportshy joldama alady.

Aıta keteıik, qazaqstandyq konkımen júgirýshi Krıstına Shýmekova Italııanyń Mılan qalasynda ótken jasóspirimder arasyndaǵy álem kýboginde úshinshi altyn medalin jeńip aldy.

Sofıa Berýltseva karateden álem chempıonatynda kúmis aldy.