Qazaqstannan Dýbaıǵa bıletter arzandap, ushaq sany artady - mınıstrlik
ASTANA. QazAqparat – Jańajyldyq mereke jáne oqýshylardyń qysqy kanıkýly kezinde Qazaqstannan Birikken Arab Ámirlikterine (BAÁ) ushaqtar sany artyp, sáıkesinshe bıletter quny arzandamaq, dep habarlaıdy QazAqparat.
«QR Indýstrııa jáne ınfraqurylymdyq damý mınıstrligi Azamattyq avıatsııa komıteti BAÁ-niń avıatsııa bıligimen birlesip, mereke kúnderi jáne kanıkýl kezeńinde avıabıletterdiń qunyn tómendetý maqsatynda BAÁ-ge reıster sanyn arttyrý sheshimin qabyldady», - delingen mınıstrlik málimetinde.
Atap aıtqanda, 29 jeltoqsannan bastap 2023 jylǵy 14 qańtarǵa deıin «Fly Dubai» áýekompanııasy Astana – Dýbaı jáne Almaty – Dýbaı baǵyttary boıynsha qosymsha 10 reısti oryndaýdy josparlap otyr. Reıster B-737 tıpti áýe kemelerinde oryndalatyn bolady.
«Reıster sanynyń artýy QR men BAÁ arasyndaǵy saýda-ekonomıkalyq yntymaqtastyqty odan ári damytýǵa yqpal etetinin atap ótý mańyzdy», - deıdi vedomstvodan.
