Qazaqstannan bir jylda qansha adam kóship ketti

ASTANA. QazAqparat – Ótken bir jylda Qazaqstanǵa 17 293 adam kóship kelse, 24 239 adam ózge elderge kóship ketken, dep habarlaıdy QazAqparat Ulttyq statıstıka bıýrosyna silteme jasap.

Ótken jyly Qazaqstanǵa 17 293 adam kóship kelse, 24 239 adam kóship ketken.

Kóshi-qon saldosy – 6 946 adam. 2021 jylmen salystyrǵanda Qazaqstanǵa kelýshiler sany 57,5% artqan, ketkender sany 24,7% azaıdy.

«Eldegi negizgi kóshi-qon almasýy TMD memleketterimen júrdi. TMD elderinen kelgenderdiń úlesi 85,9%, al bul elderge ketkenderdiń úlesi 83,4% qurady», - dep naqtylady vedomstvodan.

Al el ishinde kóship-qonýshylar sany 6,1% artqan.

«Óńiraralyq kóshi-qon boıynsha elimizdiń 4 óńirinde: Almaty (35 302 adam), Astana (33 798 adam), Shymkent (2 756 adam) qalalarynda jáne Almaty oblasynda (898 adam) halyq kóshi-qonynyń oń saldosy qalyptasty», - delingen statıstıka málimetinde.