Qazaqstannan benzın men dızel otynyn kólikpen áketýge tyıym salynbaq

ASTANA. QazAqparat – Elimizden kólikpen benzın, dızel otyny men munaı ónimderiniń jekelegen túrlerin shyǵarýǵa tyıym salynýy múmkin. Bul týraly Energetıka mınıstrligi ashyq talqyǵa shyǵarǵan buıryqta jazylǵan, dep habarlaıdy QazAqparat tilshisi.

«Qazaqstan Respýblıkasynyń aýmaǵynan kóliktiń barlyq túrlerimen ǵylymı-zertteý jumystaryna arnalǵan avıatsııalyq janarmaıdy, avtokólikterdi óndirýshi usynǵan gaz tsısternalarynda eksporttaýdy qospaǵanda, benzın, dızel otyny jáne munaı ónimderiniń jekelegen túrlerin áketýge 4 aı merzimge tyıym salynsyn», - delingen qujatta.

Buıryq 31 qańtarǵa deıin kópshilik talqylaýda bolady.

Eske sala keteıik, buǵan deıin benzındi Qazaqstan aýmaǵynan shyǵarýǵa salynǵan tyıym taǵy 6 aıǵa uzartylatynyn málimdegen edik.

Ashyq kózderden alynǵan foto