Qazaqstannan baǵaly shaıandy shetelge apara jatqan kontrabandalyq top sottaldy

ALMATY. QazAqparat – Almaty qalasy boıynsha ekonomıkalyq tergeý departamenti quny 470 mıllıon teńgeden asatyn artemııa salına shaıandaryn (artemııa tsıstalary) kontrabandalyq jolmen satqan Qytaı men Qazaqstan azamattaryna qatysty sotqa deıingi tergeýdi aıaqtady, dep habarlaıdy QazAqparat

Qarjy monıtorıngi komıtetiniń málimetinshe, olar transulttyq uıymdasqan qylmystyq toptyń quramynda áreket etken.

Jedel-izdestirý is-sharalary júrgizilip, jalpy salmaǵy 400 tonnadan asatyn, QR aýmaǵynan áketýge tyıym salynǵan bıoresýrstar toltyrylǵan kólik quraldary tabyldy.

Qylmystyq top taýarlardy kontrabandalyq jolmen alyp ótpek bolǵan.

Almaty qalasynyń mamandandyrylǵan aýdanaralyq sotynyń úkimimen tórt sottalýshy QR QK 234-babynyń 3-bóligi 2-tarmaǵynda (ekonomıkalyq kontrabanda); QR QK-niń 264-babynyń 1, 2-bóliginde (transulttyq uıymdasqan top, transulttyq qylmystyq uıym qurý jáne oǵan basshylyq etý – olarǵa qatysýmen teń) jáne QR QK 214-babynyń 2-bóliginde (zańsyz kásipkerlik) kózdelgen qylmystardy jasaǵany úshin kináli dep tanylyp, 8 jyldan 10 jylǵa deıin bas bostandyǵynan aıyryldy.

Artemia salina shaıany tuzdy sý qoımalarda tirshilik etedi.

Artemııa tsıstasy balyq jáne qus sharýashylyǵynda, sondaı-aq farmakologııa men kosmetologııada joǵary baǵalanady.