Qazaqstannan BAÁ-ge eksporttalǵan taýar ótken jyldyń 11 aıynda 418 mln dollardan asty

NUR-SULTAN. QazAqparat – QR Saýda jáne ıntegratsııa mınıstri Baqyt Sultanov Birikken arab ámirlikteriniń Ekonomıka mınıstri Sultan Bın Saııd Ál Mansýrımen kezdesti. Bul týraly mınıstrliktiń Facebook-paraqshasynda habarlandy.

«Qazaqstan Respýblıkasynyń Prezıdenti Qasym-Jomart Toqaevtyń Birikken arab ámirlikterine sapary sheńberinde osy eldiń Ekonomıka mınıstri Sultan Bın Saııd Ál Mansýrımen kelissózder júrgizdim. Bizdiń elderimizdiń saýda-ekonomıkalyq yntymaqtastyǵyn keńeıtý máselesin talqyladyq. Eki eldiń taýar aınalymy aıtarlyqtaı ósti. Jalpy 2019 jyldyń 11 aıynda ámirlikke qazaqstandyq eksport 418 mln dollardan asty. Degenmen bul az, osy oraıda qazaqstan BAÁ naryǵynda talap etiletin $233,2 mln. somasyna 40 áleýetti óńdelgen taýarlardyń tizbesin usyndy»,-delingen habarlamada.

Sonymen qatar onda ótken jyly ámirlikke Qazaqstan eksportynyń bestigine qozy men laq etin (ósim 5 ese), metaldan jasalǵan buıymdardy (9 ese) jetkizý basym bolǵandyǵy aıtylǵan.

«Bizdiń eksportymyzdy ártaraptandyrý boıynsha ǵana emes, jalpy ózara saýdany da keńeıtýge ýaǵdalastyq.
Ál Mansýrı myrza qazaqstandyq óndirýshiler úshin Halal sertıfıkatsııasyn alýdy jedeldetýde onyń eline qoldaý kórsetýdi usyndy (qazirgi ýaqytta QR saýda mınıstrligi sertıfıkattaý Halal ortalyǵyn qurý, Halal ınfraqurylymyn qurý jáne QR-da tirkeý jónindegi organdy zańnamalyq deńgeıde qurý máselesin pysyqtaýda). Musylman elderiniń naryǵynda Qazaqstannyń et ónimderdiń tanymaldyǵy artyp kele jatqanyn eskersek, bul ózekti másele. Mınıstr taǵy bir qyzyqty usynys – eki el arasynda kargo tasymalyn keńeıtý jáne shyǵys jáne Ońtústik-Shyǵys Azııa-Ortalyq Azııa-BAÁ-Afrıka-Ońtústik Amerıka dálizin qurý jobasyn birlesip pysyqtaý týraly usynys aıtty. Bul taýarlardy tutynýshylarǵa jyldam jetkizýdi qamtamasyz etýge múmkindik beredi»,-delingen habarlamada.