Qazaqstannan asyrap alǵan balalardy zorlaǵan Meıottar otbasyna úkim shyǵaryldy
ASTANA. 24 qyrkúıek. QazAqparat - AQSh Výster qalasynyń soty Qazaqstannan asyrap alǵan balalardy zorlaǵany úshin aıyptalǵan Djozef pen Lında Meıotty 16-dan 22 jylǵa deıin bas bostandyǵynan aıyrý úkimin shyǵardy, dep habarlady RIA Novostı.
Sot sheshimimen Djozef Meıott Kommonvels qalasynyń (Massachýsets shtaty ) abaqtysynda 16 jyldan 20 jylǵa deıin otyrady. Agenttiktiń túsindirýinshe, eger sottalýshynyń tártibi jaqsy bolsa, ol 16 jyldan keıin túrmeden bosatylýy múmkin. Onyń jubaıy Lında Meıott Fremıngem qalasyndaǵy (Massachýsets shtaty) áıelder túrmesinde 22 jyl qamaýda otyrady dep sheshildi. Onyń da 18 jyldan keıin merziminen buryn bosatylýyna quqyǵy bar. Sot ókiliniń sózinshe, Meıottar otbasy ázirge sot úkimine qatysty eshqandaı shaǵym bergen joq.
