Qazaqstannan álemniń 31 eline tikeleı ushýǵa bolady — Kólik mınıstrligi

ASTANA. KAZINFORM – Kólik mınıstrligi temirjol jáne azamattyq avıatsııa salasyndaǵy marshrýttyq jeli týraly habarlady.

Temirjol kóligi

Búgingi tańda elimizde jolaýshylar tasymaly salasynda 154 temirjol marshrýty oryndalady.

Olardyń ishinde:

• 112 marshrýtty «Jolaýshylar tasymaly» AQ oryndasa;

• 30 marshrýt jekemenshik tasymaldaýshylarǵa tıesili;

• Al qalǵan 12 marshrýt halyqaralyq marshrýtqa jatady.

2025 jyldyń alǵashqy 6 aıynda temirjol kóligimen 9,5 mıllıon jolaýshy tasymaldandy. Jolaýshylar vagondaryn jańartý boıynsha júıeli jumys júrgizilýde. Jyl basynan beri shamamen 60 jańa jolaýshylar vagony satyp alyndy.

Áýe qatynasy

Azamattyq avıatsııa salasynda ishki jáne halyqaralyq baǵyttardyń sany artyp keledi:

• Іshki baǵyttarda 61 marshrýt boıynsha apta saıyn 849 reıs oryndalady;

• Halyqaralyq baǵyttarda 144 marshrýt boıynsha aptasyna 842 reıs júzege asyrylady. Qazaqstannan álemniń 31 eline tikeleı ushýǵa bolady.

Halyqaralyq áýe reıster geografııasy álemniń kelesi elderin qamtıdy:

Reseı, Qyrǵyzstan, Ózbekstan, Tájikstan, Grýzııa, Belarýs, Ázirbaıjan, Týrkııa, Ulybrıtanııa, Germanııa, Italııa, Nıderlandy, Polsha, Chehııa, Vengrııa, Chernogorııa, BAÁ, Katar, Iran, Mysyr, Kýveıt, Bahreın, Oman, Ońtústik Koreıa, Qytaı, Úndistan, Vetnam, Taıland, Mońǵolııa, Malaızııa, Maldıvaraldary.

2025 jyldyń alǵashqy jartyjyldyǵynda áýe kóligi qyzmetin 7,2 mıllıon jolaýshy paıdalanǵan.

Eske sala keteıik, buǵan deıin QR Kólik mınıstrligine jańa fýnktsııalar júktelgenin jazǵan edik.