Qazaqstannan aqsha qaıda aýdarylyp jatyr
TAShKENT. QazAqparat - Ózbekstan Qazaqstannan aqsha aýdarý boıynsha ekinshi orynda tur, dep habarlaıdy QazAqparat tilshisi.
«Qazaqstannan aqshany kóbirek aýdarǵan jáne alynǵan elderge Reseı, Ózbekstan, Túrkııa, Qyrǵyzstan jáne Tájikstan kiredi. Soǵan qaramastan, eń kóp aýdarymdar Reseıge jiberilgen: 89,4 mlrd teńge aýdarylsa, ol jaqtan 50,6 mlrd teńge túsken. Odan keıin Ózbekstan tur, onda 31,3 mlrd teńge aýdarylyp, 7,5 mlrd teńge alynǵan», - dep atap ótti ranking.kz Qazaqstan ekonomıkany baqylaý ınternet-jobasy.
Sondaı-aq, aqshany aýdarý boıynsha belsendi elderdiń ishinde Túrkııa bar. Onda 24,4 mlrd teńge jiberilip, 9 ese az - 2,7 mlrd teńge túsken.
Budan bólek, QR-dan aqsha kóp jiberiletin elderdiń arasynda - Qytaı (15,9 mlrd teńge), Ýkraına (5,4 mlrd teńge), Ázerbaıjan (4,5 mlrd teńge) jáne Grýzııa (1,9 mlrd teńge) da bar.
Sonymen qatar, Qazaqstanǵa aqsha jiberetin elderge Ońtústik Koreıa (17,4 mlrd teńge), AQSh (4,4 mlrd teńge), Germanııa (4 mlrd teńge) jáne BAÁ (1,3 mlrd teńge) kiredi.
