Qazaqstannan AQSh-qa tikeleı áýe reısteri ashylýy múmkin
ASTANA. QazAqparat - Qazirgi ýaqytta Investıtsııalar jáne damý mınıstrliginiń Azamattyq avıatsııa komıteti Memleket basshysynyń tapsyrmasyna sáıkes, Amerıka Qurama Shtattarynyń qalalaryna tikeleı áýe reısterin ashý boıynsha jumystar júrgizip jatyr, dep habarlaıdy QazAqparat tilshisi.
Osy jumys aıasynda Amerıka Qurama Shtattarynyń Memlekettik departamentinde (Vashıngton qalasynda) qos taraptyń qatysýymen kelissózder ótkizildi.
Kelissóz barysynda tikeleı áýe qatynasyn ashý, sondaı-aq ony júzege asyrýdyń normatıvtik-quqyqtyq bazasyn ázirleý máseleleri talqylandy. Kezdesý qorytyndysy boıynsha taraptar osy baǵyttaǵy jumysty jalǵastyrýǵa kelisti.
