Qazaqstannan AQSh-qa aldaǵy eki jylda tikeleı avıareıister qatynaıdy

ALMATY. QazAqparat - Búgin Almatyda Ázerbaıjan, Grýzııa, Qyrǵyzstan, Qazaqstan, Tájikstan jáne Ózbekstannyń avıatsııa ókilderiniń qatysýymen avıatsııalyq qaýipsizdikti úılestirý tobynyń birinshi otyrysy ótti. Basqosýda Qazaqstannan Amerıka Qurama Shtattaryna ashylatyn tikeleı reıster sóz boldy. Bul joba aldaǵy eki jylda júzege asady degen jospar bar, dep habarlaıdy QazAqparat tilshisi.

Jıynǵa qatysýshylar, muhıt asatyn tikeleı reıs ashý úshin eń aldymen, qazaqstandyq áýe kompanııalarynyń biri tıisti ótinim berýi kerek ekenin aıtty. Ótinimdi AQSh avıatsııalyq ákimshiligi qarastyrady.
«Biz 2024 jyldyń basyna deıin barlyq normatıvtik bazany daıyndaýdy josparlap otyrmyz. Aýdıtten ótýge jáne osy reısterdi ashýǵa daıynbyz. Sonymen qatar tıisti talapqa saı ushaq bolýy kerek. Bul áýekompanııasynyń ótinimine tikeleı baılanysty»,- dedi «Qazaqstannyń avıatsııalyq ákimshiligi» AQ bas dırektory Katalın Radý.
Azamattyq avıatsııa komıtetiniń tóraǵasy Talǵat Lastaevtyń sózinshe, Amerıka tarapy avıatsııa qaýipsizdigi máselesin óte joǵary baǵalaıdy.
«Aldaǵy eki jylda biz Amerıka Qurama Shtattaryna áýe reısterin ashýdy josparlap otyrmyz. Amerıka tarapy avıatsııalyq qaýipsizdik máselesin óte joǵary baǵalaıdy. Biz áriptesterimizben óte tyǵyz jumys jasaımyz jáne osy bastamalardyń barlyǵyna halyqaralyq azamattyq avıatsııa uıymdary árqashan oń baǵa berip otyrady», - dedi Talǵat Lastaev.
Buǵan deıin avıatsııalyq qaýipsizdik jónindegi úılestirý tobynyń tóraǵasy bolyp QR IIDM Azamattyq avıatsııa komıtetiniń tóraǵasy Talǵat Lastaev saılanǵany týraly jazǵan edik.