Qazaqstannan 65 samboshy Azııa chempıonatynda el namysyn qorǵaýǵa attandy
ASTANA. QazAqparat - 11-14 mamyr aralyǵynda Mońǵolııa astanasy Ulan-Batyrda eresekter, jastar men jasóspirimder arasynda sambodan Azııa chempıonaty ótedi, dep habarlaıdy QazAqparat tilshisi.
Bul týraly QR Mádenıet jáne sport mınıstrligi Sport jáne dene shynyqtyrý isteri komıtetiniń baspasóz hatshysy Raýhan Toǵymbaeva habarlady.
«El namysyn sambodan Qazaqstan quramasynyń 65 múshesi qorǵaıdy. Qazaqstan quramasynyń jigitteri týrnırdiń favorıtteri sanalady. Tashkentte ótken byltyrǵy týrnırde bizdiń sportshylar 22 altyn medal ıelengen bolatyn. Jalpy esepte Qazaqstan quramasy ol kezde ekinshi orynnan kórindi», - dep habarlady Raýhan Toǵymbaeva.
Onyń aıtýynsha, byltyr birinshi oryn 24 altyn medalmen Ózbekstan quramasyna buıyrǵan.
«Dástúrli túrge Azııa chempıonatyna Azııanyń 25 elinen 400 samboshy qatysady. Osy jyly Qazaqstan quramasy ótken jylǵy nátıjesin jaqsartýdy kózdep otyr. Týrnırdiń tikeleı kórsetilimin Halyqaralyq sambo federatsııasy (FIAS) saıtynan kórýge bolady», - deıdi ol.
