Qazaqstannan 50-ge jýyq oqýshy AQSh-ta ótetin dúnıejúzilik robototehnıka chempıonatyna barady

ASTANA. QazAqparat – Elordada ótken «Central Asia FIRST CHAMPIONSHIP-2023» robototehnıkadan Ortalyq Azııa oıyndary aıaqtaldy, dep habarlaıdy QazAqparat Oqý-aǵartý mınıstrliginiń baspasóz qyzmetine silteme jasap.

AQSh-tyń Hıýston qalasynda ótetin FIRST dúnıejúzilik chempıonatynda el namysyn 50-ge jýyq oqýshy qorǵaıdy. Olar – jeńimpaz atanǵan 4 komandanyń músheleri. Sondaı-aq, taǵy 9 komanda Avstralııa, Marokko, AQSh, Indııada ótetin halyqaralyq ashyq chempıonattarǵa joldama aldy.

«Robototehnıka jarysy úsh jas sanatynda ótti. Kishkentaı balalar sanaty boıynsha Almaty qalasynyń oqýshylarynan quralǵan Adeptus Mechanicus toby AQSh-tyń Hıýston qalasynda ótetin basty jarysqa joldama jeńip aldy. Ortańǵy sanatta basty júldeni almatylyq «Play 4 Energy» toby ıelendi. Al, 12-18 jas sanatyndaǵy basty júldegerler – almatylyq AENTA jáne NIS Kyran toptary. Úsh kúnge sozylǵan saıys tartysty ótti. Jyl saıyn robototehnıkamen aınalysatyn balalardyń qatarynyń artqany qýantady», - deıdi USTEM Robotics qorynyń jetekshisi Asylbek Mýrzahmetov.

Aıta keteıik, «Central Asia FIRST CHAMPIONSHIP-2023» robototehnıkadan chempıonat Astana qalasynda 24-26 aqpanda ótken bolatyn. Oǵan elimizdiń ár aımaǵynan 1 200 oqýshy qatysty. Bıylǵy jarys energııa taqyrybyna arnaldy.