Qazaqstannan 5,5 myńǵa jýyq azamat qajylyqqa bardy
ASTANA. 24 qyrkúıek. QazAqparat - Qazaqstannan 5,5 myńǵa jýyq azamat qajylyqqa attandy. Bul týraly búgin Astana qalasynyń bas ımamy Qalıjan Zańqoev aıtty.
«Qurban aıty Ramazan aıynan da úlken mereke desek biz qatelespeımiz. Óıtkeni bul kúnderi búkil adam balasy Alla Taǵalanyń ózine bergen nyǵmetinen, baılyǵynan basqa joq-jitikterge, miskinderge, tek qana joq-jitikterge ǵana emes búkil kórshi-qolań, aǵaıyn-týysqa qonaqjaılyq kórsetetin, qaıyrymdylyq, jaqsylyq jasaıtyn kúnder ekendigin aıta ketkenimiz jón», - dedi ol.
Osy rette Qurban aıt sonymen qatar búkil álem musylmandarynyń qaıetti Mekkege baryp ózderiniń ıslamdaǵy 5 paryzynyń biri qajylyqty óteıtin ýaqyty ekendigin de eske salǵan Q.Zańqoevtiń atap ótýinshe, elimizden 10 qazannan bastap 5,5 myńǵa jýyq azamat qajylyqqa attanyp ketken. Ol jaqta Qazaqstan musylmandary dinı basqarmasynyń qajylyq mıssııasy jumys isteýde. Barǵan qajylarymyzǵa barlyq jaǵdaı jasalýda.
«Saýd Arabııasy eliniń Qajylyq mıssııa mınıstrligi qazaqstandyq azamattarǵa 600-deı arnaıy avtobýstar bólgen. 8 tilde qyzmet kórsetýde. Árıne, bizde búkil meshitterimizde qajylyqqa nıet etken kisilerge 2 apta arnaıy dárister ótkizdik», - dedi ol.
