Qazaqstannan 10 mln teńgeni zańsyz áketip bara jatqan Qytaı azamaty ustaldy

NUR-SULTAN. QazAqparat - Qazaqstannan deklaratsııalanbaǵan 10 mln teńgeden astam qolma-qol aqsha áketip bara jatqan Qytaı azamaty qolǵa tústi, dep habarlaıdy QazAqparat Memleketitk kirister komıtetine silteme jasap.

«Altynkól» keden beketiniń qyzmetkerleri QR UQK ShQ-men birlesip, Almaty oblysyndaǵy «Qorǵas» ShYHO baqylaý ótkizý pýnktinde 1969 jyly týǵan QHR azamatyn ustady. Tintý kezinde azamattan deklaratsııalanbaǵan jalpy somasy 10 438 185 teńgeni quraıtyn qolma-qol aqsha tabyldy» delingen habarlamada.

Quqyq buzýshy QR ÁQBtK 551-babynyń 3-bóligi boıynsha ákimshilik jaýapqa tartyldy.