Qazaqstanmen tyǵyz seriktestikti qalaımyz – Germanııa Prezıdenti

ASTANA. QazAqparat – Qazaqstan Germanııa úshin óńirdegi mańyzdy ekonomıkalyq seriktes sanalady. Bul týraly Aqordada Memleket basshysy Qasym-Jomart Toqaevpen kelissózderden keıingi BAQ ókilderine birlesken málimdeme jasaý barysynda Germanııa Prezıdenti Frank-Valter Shtaınmaıer aıtty, dep habarlaıdy QazAqparat tilshisi.

«Biz Qazaqstanmen jáne Ortalyq Azııa memleketterimen úlken, barynsha tyǵyz seriktestikti qalaımyz. Prezıdent Toqaevpen elderińizdegi ahýaldy ashyq ári barynsha jan-jaqty talqyǵa saldyq. Qazaqstan Germanııa Federatıvti Respýblıkasy úshin saıasat, mádenıet, sonymen qatar ekonomıka salalarynda ortaazııalyq óńirdegi basty seriktes sanalady. Taıaý jyldary qarym-qatynasty odan ary nyǵaıta túskimiz keledi», - dedi Germanııa Prezıdenti.

Sonymen qatar Frank-Valter Shtaınmaıer Qazaqstan Germanııanyń óńirdegi mańyzdy seriktesi ekendigin basa aıtty.

«Germanııanyń Ortalyq Azııa elderimen saýda-sattyǵynyń 80 paıyzdan astamy sizderdiń elderińizge tıesili», - dedi ol.