Qazaqstanmen shekarada qytaılyq kompanııa robottar bazasyn qurady
BEIJІŃ. QazAqparat - Qytaı kompanııasy Qazaqstanmen shekaralas Qorǵas qalasynda Taıaý Shyǵys, Ortalyq Azııa, Reseı elderindegi sarapshylarǵa eksporttaý úshin robottardyń ónerkásiptik óndirisin qurady, dep habarlady «Sınhýa» agenttigine silteme jasap «QazAqparat» HAA menshikti tilshisi.
Shenchjende tirkelgen «Horgos Boshihao Electronic» kompanııasy osy jylǵy mamyrda jańa zaýytta jyl saıyn 10 myńǵa jýyq robot shyǵarýdy josparlaýda: 80% robot - qyzmet kórsetý salasyna, 20% - ónerkásiptik maqsatta.
«Aldaǵy 5-10 jylda kompanııa Qorǵasta elektrondyq ónimniń ǵylymı-ónerkásiptik parkin qurýdy josparlaýda», - degen «Horgos Boshihao Electronic» bas menedjeri Mın Tszıanbonyń sózin keltiredi agenttik.
Ol Qazaqstanmen shekara arqyly Qytaı men Eýropa arasyndaǵy temir jol qatynasyn damytý salynyp jatqan zaýyt ónimderin eksporttaý úshin qolaıly jaǵdaı týdyratynyna senim bildirdi.
Eske salsaq, Qorǵas qalasynyń negizi 2014 jyly qalandy.
