Qazaqstanmen óńirlik qaýipsizdik máselelerde ustanymymyz ortaq - Pákistan memhatshysy
ASTANA. QazAqparat - Pákistan Syrtqy ister mınıstrliginiń memlekettik hatshysy Tehmına Djandjýa QazAqparattyń óńirlik tilshisi Arnur Rahymbekovke eksklıýzıvti kommentarıı berdi.
«Eń aldymen Pákistan terrorızm men ekstremızmniń kez kelgen kórinisin qatań aıyptaıdy. Bul turǵyda bizdiń ustanymymyz Qazaqstanmen uqsas jáne eki eldiń arasyndaǵy eijaqty yntymaqtastyq ret-retimen damyp keledi. Biz Aýǵanstandaǵy turaqtylyqty saqtaý búkil óńirdik qaýipsizdigi úshin barynsha mańyzdy dep sanaımyz. Bul baǵyttaǵy Qazaqstan basshylyǵynyń kúsh-jigerin oń baǵalaımyz», - dedi Tehmına Djandjýa.
Onyń paıymynsha, bizdiń elderimizdiń birlesken amaldary men bitimgershilik kúsh-jigeri kórshi eldegi qaýipsizdik problemalaryn sheshýge septigin tıgizetin bolady.
«Shanhaı yntymaqtastyq uıymy aıasyndaǵy lańkestikke qarsy saladaǵy qazaqstandyq-pákistandyq yntymaqtastyqty da atap ótkim keledi», - dep jalǵady sózin Pákistan SІM-niń memlekettik hatshysy.
