Qazaqstanmen matchta Zlatan Ibragımovıch ulttyq rekordqa qol jetkizdi
ASTANA. 11 qyrkúıek. QazAqparat - Shvetsııa quramasynyń shabýylshysy Zlatan Ibragımovıch shved fýtboly tarıhynda halyqaralyq arenadaǵy eń jyldam goldyń avtory atandy, dep habarlaıdy Vesti.kz.
PSJ surmergeni 2014 jylǵy álem chempıonatynyń irikteý matchynda oıynnyń 28-shi sekýndynda qazaqstandyqtar qaqpasyn dál kózdegen edi.
Zlatan Ibragımovıch bolsa bul oqıǵaǵa óz tańdanysyn jasyrmady. «Mássaǵan, eń jyldam goldyń avtory atanǵanymdy bilmeppin. Endi biletin bolamyn. Alaıda men úshin bizdiń osy oıynda jeńiske jetkenimiz mańyzdyraq», - degen bolatyn Shvetsııa quramasynyń shabýylshysy oıynnan keıin.
Esterińizge sala keteıik, 2014 jylǵy álem chempıonatynyń irikteý matchynda Qazaqstan Shvetsııaǵa 0:1 esebimen jol berip qoıdy. Osy oıynnan keıingi týrnırlik kesteni myna jerden kórýge bolady. Endi 11 qazan kúni bizdiń jigitter syrt alańda Farer araldarymen oınaıdy.
