Qazaqstanmen kólik-logıstıka boıynsha baılanysymyzdy damytqymyz keledi - ıÝrıs Pogrebnıak

Búgingi konferentsııaǵa Latvııadan túrli salany tanystyra kelgen 30-dan asa kompanııa ókilderi óz qyzmetterin tanystyrdy. Naqtyraq aıtqanda, kólik-logıstıka, aqparattyq tehnologııa qyzmeti, qarjylyq qyzmet, qalalyq mýnıtsıpıaldy kásiporyndar qyzmeti boıynsha kompanııalar qatysty, dep habarlaıdy QazAqparat tilshisi.  Latvııanyń Qazaqstandaǵy elshisi ıÝrıs Pogrebnıak eki el arasyndaǵy saýda aınalymyn ulǵaıtý úshin jáne eki el kásipkerleriniń ózara qarym-qatynasyn ornatý úshin qalalyq ákimdikpen birlesip jumystar atqaryp jatqanyn aıtty. 

«2016 jyly Qazaqstan men Latvııa arasyndaǵy saýda aınalymy 122 mln eýrony qurady. 2015 jyly da sol shamada bolǵan. Biz Qazaqstan naryǵyna azyq-túlik ónimderi men farmatsevtıka men kólik jasaý ónimderin jetkizemiz. Al Qazaqstannan aýyl sharýashylyǵy ónimderin alamyz. Sonymen qatar, Qazaqstan temiri de Latvııaǵa jetkizilip jatyr. Bizde Latvııada 204 birikken kásiporyndar bar. Bul bizdiń aramyzdaǵy bıznestiń júrip jatqanyn dáleldese kerek. Qazaqstanmen azyq-túlik, kólik-logıstıka, jasyl tehnologııa, aqparattyq tehnologııa, qarjylyq, bilim salasyndaǵy qarym qatynasyn damyta túsý qajet dep sanaımyz. Bizdiń kásipkerlerimiz Almaty naryǵyna qyzyǵýshylyq tanytyp otyr», - dedi Latvııa Respýblıkasynyń Qazaqstandaǵy elshisi ıÝrıs Pogrebnıak.

Latvııa Respýblıkasy men Almaty qalasy kásipkerleri konferentsııasy 5-8 sáýir aralyǵynda ótedi.

Aıta keteıik, Latvııa Respýblıkasynyń terrıtorııasy  64 573 sharshy shaqyrym, 2016 jyldyń 1 qańtaryndaǵy sanaq málimeti boıynsha elde 2 mln halyq turady.