Qazaqstanmen ekijaqty yntymaqtastyq deńgeıi joǵary – Qyrǵyz Respýblıkasynyń Syrtqy ister mınıstri
«Qyrǵyzstan men Qazaqstan arasynda saıası qaıshylyqtar joq. Qazaqstanmen odaqtas ekijaqty qarym-qatynastar odan ári damı beredi. 2022 jylǵy mamyrda Qazaqstan Respýblıkasynyń Prezıdenti Qasym-Jomart Toqaevtyń Qyrǵyz Respýblıkasyna resmı sapary barysynda ekijaqty ózekti máselelerdiń barlyǵy talqylanyp, saýda-ekonomıkalyq jáne mádenı-gýmanıtarlyq yntymaqtastyqty damytýǵa basty nazar aýdaryldy. Eki el arasyndaǵy taýar aınalymynyń kólemin arttyrý múmkindigi talqylandy. Sonymen qatar, qyrǵyz-qazaq shekarasynda ónerkásiptik saýda jáne logıstıkalyq ortalyqtar qurylýda, olarǵa qarjylandyrý men jer telimderi belgilenedi. Bıyl qazaqstandyq kompanııalar qurylysty bastaıdy. Bul fermerlerge saýdany órkenıetti túrde júrgizýge múmkindik beredi», - dedi Syrtqy ister mınıstri.
Qyrǵyz Respýblıkasynyi Syrtqy ister mınıstrli mádenı-gýmanıtarlyq yntymaqtastyqtyń nátıjelerine de toqtaldy.
«2022 jyldyń qazan aıynda Qazaqstanda ótken Qyrǵyz Respýblıkasynyń mádenı kúnderi aıasynda Qyrǵyz kınosynyń kúnderi ótti. Іs-sharanyń resmı ashylý saltanatyna eki memleket basshylary Sadyr Japarov pen Qasym-Jomart Toqaev, sondaı-aq Eýropalyq keńes prezıdenti Sharl Mıshel qatysty. Bilim salasyndaǵy yntymaqtastyq úshin Qazaqstan Respýblıkasy ótken jyly jyl saıynǵy bilim berý granttarynyń sanyn 10-nan 50 orynǵa deıin arttyrdy», - dedi qyrǵyz eliniń mınıstri.
Mınıstr J.Qýlýbaev Qyrǵyzstan men Qazaqstan arasyndaǵy ekijaqty qarym-qatynastyń deńgeıin joǵary baǵalap, basshylyq pen halyq arasynda úlken perspektıvalar men túsinistik bar ekenin atap ótti. Onyń pikirinshe, eki eldiń mınıstrlikteri men vedomstvolary ekijaqty yntymaqtastyqty damytý jumystaryn jandandyrýy qajet.
