Qazaqstanmen dostyǵymyz ben baýyrlastyǵymyz aýyr synaqtan keıin kúsheıe tústi - Ilham Álıev

ASTANA. KAZINFORM – Ázerbaıjan Respýblıkasynyń prezıdenti Ilham Álıev telearnaǵa suhbat berdi.

Suhbat barysynda Aqtaý mańynda bolǵan ushaq apatyna toqtalyp, túsinik berdi. Sonymen qatar qazaq halqyna alǵys aıtty. 

- Bul shynaıy dostyq pen baýyrlastyq. Sonymen qatar, Prezıdent Qasym-Jomart Toqaevqa kóńil aıttym, óıtkeni, apat saldarynan Qazaqstannyń alty azamaty qaza tapty. Ol da maǵan kóńil aıtty. Qaıǵyly jaǵdaıdyń aýyrlyǵyna qaramastan, bul synaq sáti boldy – osyndaı sátte qandaı ekenin kórsetedi. Qaıǵyly jaǵdaıǵa qaramastan, Qazaqstanda solaı oılaıtynyna kózim jetti jáne senimdimin. Bizdiń dostyq pen baýyrlastyq osy qıyn synaqtan keıin odan saıyn kúsheıe tústi, - dedi Ilham Álıev. 

Sondaı-aq, Ilham Álıev suhbat barysynda Aqtaý mańyndaǵy AZAL ushaǵynyń apatynyń sebebine qatysty birqatar jaıtpen bólisti.

- Árıne, apattyń sońǵy nusqasy qara jáshikterdi ashqannan keıin belgili bolady. Biraq, bastapqy nusqalar da jetkilikti ári faktilerge negizdelgen. Al Ázerbaıjannyń azamattyq ushaǵy Reseı aýmaǵynda, Groznyı qalasynyń mańynda zaqymdanyp, basqarýdy joǵaltty. Sonymen qatar bizdiń ushaqty radıoelektronǵa qarsy quraldarmen basqarylmaıtyn kúıge jetkizgenin bilemiz. Bul ushaqqa keltirilgen alǵashqy zalal, - dep atap ótti Ilham Álıev. 
Odan bólek, Ázerbaıjan prezıdenti órttiń saldarynan ushaqtyń quıryǵy da qatty zardap shekkenin aıtty.

Aıta keteıik, Memleket basshysy Aqtaý mańynda áýe apatynan keıin Ázerbaıjan Prezıdenti Ilham Álıevke kóńil aıtty. 

Sonymen qatar Ázerbaıjan prezıdenti Ilham Álıevte kóńil aıtty.

Eske sala keteıik, 25 jeltoqsanda Aqtaý mańynda Azerbaijan Airlines ushaǵy apatqa ushyrady. 

Ushaq bortynda 67 adam, onyń ishinde bes ekıpaj múshesi bolǵan. Oqıǵa saldarynan 38 jolaýshy qaza tapty. Ókinishke qaraı, mert bolǵan jandardyń arasynda 6 Qazaqstan azamaty bar.