Qazaqstanmen aradaǵy yntymaqtastyq qatynastar men barlyq saladaǵy baýyrlastyq baılanystardy nyǵaıtýǵa nıettimiz - Palestına Prezıdenti
ASTANA. QazAqparat - Palestına Memleketiniń Prezıdenti Mahmýd Abbas Nursultan Nazarbaevtyń Qazaqstan Respýblıkasynyń Prezıdenti bolyp saılanýyna oraı quttyqtaý jedelhatyn joldady, dep habarlady Aqordanyń baspasóz qyzmeti.
Mahmýd Abbas Palestına Úkimeti men halqynyń atynan Nursultan Nazarbaevty prezıdenttik saılaýdaǵy jeńisimen quttyqtady.
«Biz Qazaqstan Respýblıkasymen aradaǵy yntymaqtastyq qatynastar men barlyq saladaǵy baýyrlastyq baılanystardy nyǵaıtyp, damytýdy jáne halyqtarymyzdyń birlesken múddelerin júzege asyrý úshin ony barynsha jańǵyrtýdy jalǵastyrýǵa nıetti ekenimizdi taǵy bir ret aıtamyz», - delingen jedelhatta.
Sońynda Palestına Prezıdenti Memleket basshysyna myqty densaýlyq jáne baqyt, al Qazaqstan halqyna ilgerileý men baq-bereke tiledi.
