Qazaqstan–Qytaı kelissózi: atom energetıkasy boıynsha jańa baǵyttar aıqyndaldy
ASTANA. KAZINFORM – 2026 jylǵy 16 maýsymda Qytaı Halyq Respýblıkasynyń Memlekettik energetıka isteri basqarmasynyń basshysy Van Hýnchjı myrzanyń Qazaqstan Respýblıkasyna sapary aıasynda Qazaqstan Respýblıkasy Atom energııasy jónindegi agenttiginiń tóraǵasy Almasadam Sátqalıev pen Qytaı Halyq Respýblıkasynyń Memlekettik energetıka isteri basqarmasynyń basshysy Van Hýnchjı myrzanyń teń tóraǵalyǵymen azamattyq ıadrolyq energetıka salasyndaǵy yntymaqtastyq jónindegi Qazaqstan–Qytaı birlesken jumys tobynyń alǵashqy otyrysy ótti.
Taraptar atom energııasyn beıbit maqsatta paıdalaný salasyndaǵy ózara is-qımyldyń ózekti máselelerin talqylap, osy baǵyttaǵy yntymaqtastyqty odan ári damytýǵa beıildilikterin rastady.
Seriktestikti odan ári tereńdetýge baǵyttalǵan úılestirýdi kúsheıtý men praktıkalyq ózara is-qımyldy keńeıtýdiń mańyzdylyǵy atap ótildi.
Otyrys qorytyndysy boıynsha qol jetkizilgen ýaǵdalastyqtar kórinis tapqan jáne atom energııasyn beıbit maqsatta paıdalaný salasyndaǵy yntymaqtastyqtyń aldaǵy baǵyttary aıqyndalǵan hattamaǵa qol qoıdy.
Osyǵan deıin Qazaqstan men Qytaı atom salasyndaǵy yntymaqtastyqty keńeıtetini týraly jazdyq.
