Qazaqstannyń ІT eksporty 700 mln dollarǵa jetti
ASTANA. KAZINFORM – Bıyl elimizdiń ІT-eksportynyń kólemi 700 mln dollardy qurady. Bul týraly búgin jyl qorytyndysyna oraı BAQ ókilderimen kezdesken Premer-mınıstrdiń orynbasary – Jasandy ıntellekt jáne tsıfrlyq damý mınıstri Jaslan Mádıev aıtty.
Onyń aıtýynsha, búginde Astana Hub alańy shamamen 2 myń ІT-kompanııanyń basyn qosyp otyr. Búginde hab jelisi 20 óńir men 4 halyqaralyq alańdy qamtıdy. Alań qatysýshylarynyń tabysy 800 mlrd teńgege jetip, 20 paıyz ósim kórsetti. Al elimizdiń ІT-eksportynyń kólemi 700 mln dollardy qurady.
- Halyqaralyq habtar arqyly 100-den astam otandyq startap sheteldik naryqtarǵa shyqty. Ekojúıede óńirdiń alǵashqy tehnologııalyq qýatty Higgsfield.ai quryldy. Venchýrlyq qarjylandyrýdy damytý úshin Qazaqstan Venture Group quryldy. Onyń maqsatty kólemi 1 mlrd dollardy quraıdy. Qazirgi ýaqytta onyń 115 mln dollary tartyldy, - dedi vıtse-premer.
Osyǵan deıin memlekettik qyzmetshilerge jasandy ıntellekt kýrstary mindetti bolatyny týraly jazdy.