Qazaqstanǵa zııandy shyǵaryndylardy tómendetý úshin 273 mlrd dollar qajet – Djeın Ebınger
NUR-SULTAN. QazAqparat – Qazaqstanǵa zııandy shyǵaryndylardy tómendetý úshin aldaǵy 10 jyldyń ishinde 273 mlrd dollar qajet. Bul týraly «Qazaqstan-Ýkraına» birinshi klımattyq dıalog barysynda Dúnıejúzilik banktiń Ortalyq Azııadaǵy turaqty damý sektorynyń jetekshisi Djeın Ebınger aıtty, dep habarlaıdy QazAqparat tilshisi.
«Qazaqstan men Ýkraına jasyl damý baǵytynda óte aýqymdy maqsattardy alǵa qoıyp otyr. Degenmen, bul maqsattarǵa qol jetkizý jáne sol joldaǵy transformatsııa jeńil bola qoımaıtyndyǵy anyq. Kómirsýtekke beıtarap maqsatqa qol jetkizý, ásirese energetıka sektorynda aıtarlyqtaı kúsh-qýatty erekshe qajet etedi. Bul Qazaqstanǵa energııa qamtylymy jolynda ózgeristerdi talap etedi jáne shyǵaryndylardy tómendetýge qatysty nátıjege qol jetkizýdegi saıasatta naqty ózgeristerdi qamtıdy. Jalpy, Qazaqstanda ilespe gaz shyǵaryndysynyń 80 paıyzdan astamy janar-jaǵarmaıdy óndirý, qaıta óńdeý, tasymaldaý, saqtaý jáne jaǵýǵa baılanysty», - dedi ol.
Sarapshynyń atap ótýinshe, Qazaqstan 2030 jylǵa qaraı ilespe gaz shyǵaryndysyn 1995 jylǵy deńgeımen salystyrǵanda 30 paıyzǵa qysartýdy josparlap otyr. Bul rette shyǵaryndylardy basqarýdyń ulttyq júıesi ilespe gazdyń jalpy shyǵaryndysynyń tek 40 paıyzyn ǵana baqylaı alady.
«Shyǵaryndyny basqarý júıesinde, zııandy qaldyqtardy basqarýda qatań shekteýler kerek. Al jańartylmaly energııa kózderi salasynda jańa ádister 2021-2030 jyldary kezeńinde kómirsýteksizdendirý is-sharalaryna baǵyttalatyn shamamen 273 mlrd dollar ınvestıtsııa qajet. Árıne, bul maqsattarǵa qol jetkizý is-sharalaryn engizý barysynda kezeń-kezeńimen ınstıtýttsıonaldy ádister talap etiletin bolady», - dedi Djeın Ebınger.
