Qazaqstanǵa jyl basynan beri 6 myńnan astam adam kóship kelgen

NUR-SULTAN. QazAqparat – Bıyl qańtar-mamyr aralyǵynda elimizge turǵylyqty turýǵa 6 227 adam kelgen. Al, osy ýaqyt ishinde 9 034 adam Qazaqstannan shet memleketterge ketken. Mundaı derekterdi Ulttyq statıstıka bıýrosy keltirdi, dep habarlaıdy QazAqparat tilshisi.

«2022 jylǵy qańtar-mamyrda elimizge turǵylyqty turýǵa kelgenderdiń sany – 6 227 adam, elimizden ketkenderdiń sany – 9 034. Kóshi-qon aıyrymy – 2 807 adam», - delingen Ulttyq statıstıka bıýrosynyń habarlamasynda.

Statıstıkaǵa sáıkes, elimizdegi negizgi kóshi-qon protsessi TMD memleketterimen baılanysty. Bıylǵy 5 aıda TMD elderinen kelgenderdiń kóshi-qon úlesi – 85,1 paıyz, al atalǵan memleketterge elden ketkenderdiń úlesi – 81 paıyz.

Ulttyq statıstıka bıýrosy ishki kóshi-qon derekterin de jarııalady. Oǵan saı, úsh óńirde dınamıka bar. Olar: Almaty, Nur-Sultan jáne Shymkent qalalary. Máselen, bes aı ishinde Almatyǵa 14 481 adam kóship kelse, elorda 12 783 adamǵa tolyqqan. Al, Shymkent terrıtorııasyna 1 773 qazaqstandyq kóshipti.

Aıta keteıik, buǵan deıin kóshi-qon zańnamasyn buzǵan 98 shetel azamaty elden shyǵarylǵanyn jazǵan bolatynbyz.