Qazaqstanǵa jumys saparymen Qyrǵyzstan prezıdenti Sadyr Japarov keledi

ASTANA. KAZINFORM — Qyrǵyz Respýblıkasynyń Prezıdenti Sadyr Japarov 30 mamyrda Qazaqstanǵa jumys saparymen kelip, «Ortalyq Azııa — Italııa» birinshi sammıtine qatysady, dep habarlaıdy Kazinform tilshisi.

Qyrǵyz Respýblıkasynyń Prezıdenti Ákimshiliginiń syrtqy saıasat bóliminiń meńgerýshisi Saǵynbek Abdýmýtalıptiń málimetinshe, sammıttiń taqyryby — «Ortaq kókjıekter. Ortalyq Azııa men Italııanyń jahandyq turaqtylyq úshin dıalogy».

Sammıttiń maqsaty — Ortalyq Azııa elderi men Italııa arasyndaǵy yntymaqtastyqty damytý máseleleri boıynsha pikir almasý.

Oǵan Ortalyq Azııa memleketteri basshylary jáne Italııa Mınıstrler Keńesiniń tóraıymy Djordjııa Melonı qatysýy josparlanǵan.

Buǵan deıin Astanada «Ortalyq Azııa – Qytaı» medıaforýmy bastalǵanyn jazǵanbyz.  Jaqynda Astanada «Qytaı – Ortalyq Azııa» sammıti qarsańynda yntymaqtastyq perspektıvalary talqylandy.