Qazaqstanǵa jalǵan qujatpen 39 júk kóligin ákelmek bolǵandar ustaldy
NUR-SULTAN. QazAqparat - «Nur joly» keden beketinde sáıkestigin baǵalaý týraly jalǵan qujatpen nemese kontrabandamen Qytaıda shyǵarylǵan avtomobıl quraldaryn ákelý faktisi anyqtaldy. Bul avtomobılder EÝRO-5 ekologııa sanatyna sáıkes kelmeıdi, dep habarlaıdy QazAqparat tilshisi.
"Memlekettik kirister jáne tehnıkalyq retteý jáne metrologııa organdarynyń ózara is qımyly barysynda «Nur joly» keden beketinde Almaty oblystyq memlekettik kirister departamenti sáıkestigin baǵalaý týraly jalǵan qujatpen, sondaı-aq EÝRO-5 ekologııa sanatyna sáıkes kelmeıtin Qytaı Halyq Respýblıkasynda shyǵarylǵan 39 avtomobıl quraldaryn ákelý faktisiniń jolyn kesti", - delingen QR QM Memlekettik kirister komıteti taratqan aqparatta.
Vedomstvo málimetinshe, atalǵan fakti boıynsha QR QK 234-babymen Eýrazııalyq ekonomıkalyq odaqtyń kedendik shekarasy arqyly kórineý durys emes deklaratsııalaýmen, onyń ishinde jaramsyz, qujattardyń jáne kórineý anyq emes (jalǵan) málimetterdi qamtıtyn qujattar usynýmen ushtasqan aldaý arqyly taýarlardy ótkizý bóliginde, Qazaqstan Respýblıkasy Qylmystyq kodeksiniń «Ekonomıkalyq kontrabanda» 234-babynyń qoldanysyna ushyraıtyn quqyq buzýshylyq qarastyrylady.
Qazirgi ýaqytta joǵaryda kórsetilgen faktiler boıynsha Almaty oblystyq ekonomıkalyq tergeý departamenti tekserý is-sharalaryn júrgizip jatyr.
