Qazaqstanǵa jaqyn jerde Qyrǵyzstannyń egis alqaptary sý astynda qaldy (FOTO)
BІShKEK. QazAqparat - Qyrǵyzdyń Talas oblysy Manas aýdany Pokrovka aýylyndaǵy Kırov sý qoımasynda apattyq sý jiberý saldarynan aýyl sharýashylyq alqaptary sý astynda qaldy, dep habarlaıdy «Turmush» aqparattyq agenttigi.
Talas ózeniniń Qazaqstanǵa óter tusynda sý arnasyna shyǵyp ketip, aýyl sharýashylyǵy jerlerin sý basty. Jergilikti dıhandardyń aıtýynsha, Talas ózeninde sý deńgeıiniń kóterilýi 4 kún buryn bastalǵan. Alǵashqy kúni ózen arnasynan shyǵa bastaǵanda sharýalar óz kúshterimen jaǵany bıiktetip, sý jaıylmaıtyn bógetter turǵyzǵan.
Pokrovka aýylynyń turǵyndarynyń aıtýynsha, Kırov sý qoımasynan jiberilgen sýdyń kóptiginen mańaıǵa jaıylyp ketýine sebepshi bolǵan. Osy aýylda 100 gektarǵa jýyq alqap egiledi. Qazirgi ýaqytta mamandar sý astynda qalǵan jerlerdiń kólemin esepteýde.
Buǵan deıin oblystyq Sý sharýashylyǵyn basseındik basqarý basqarmasynyń basshysy Bolot Batyrkýlov Talas oblysyndaǵy Kırov sý qoımasyndaǵy sý deńgeıi eń joǵary sý jiberý nátıjesinde birshama tómendegen.
Sý qoımasynyń jalpy kólemi - 550 mln tekshe metr. 18 maýsymǵa deıin burshaq jáne jaýyn-shashynnyń kóp bolýy men muzdyqtardyń kúrt erýi saldarynan qoımadaǵy sý deńgeıi eń qaýipti kórsetkishke - 548 mln tekshe metrge jetken.
