Qazaqstanǵa zańsyz kelgen 1000 sheteldik el aýmaǵynan shyǵaryldy -QR ІІM
ASTANA. QazAqparat - «Mıgrant» operatsııasy kezinde zań buzǵan 1000 sheteldik elden shyǵaryldy. 7 myń sheteldik ákimshilik jaýapqa tartyldy, dep habarlady QR Іshki ister mınıstrliginiń baspasóz qyzmeti.
Baspasóz málimetterine qaraǵanda, QR ІІM zańsyz kóshi-qonǵa qarsy is-qımylǵa jáne zańsyz mıgranttardy anyqtaýǵa baǵyttalǵan «Mıgrant» jedel-profılaktıkalyq is-sharasynyń qorytyndysyn shyǵardy.
Úsh kún ishinde polıtsııanyń utqyr toby elimizge kelý tártibin buzǵan 7 myń sheteldikti anyqtap, ákmishilik jaýapkershilikke tartty.
Sot sheshimi boıynsha 1000 sheteldik elden shyǵarylyp, 700 adam arnaıy oryndarǵa jetkizildi.
Sheteldik jumys kúshterin tartý jáne paıdalaný erejesin buzǵan 269 jumys berýshi jaýapqa tartyldy.
«Kóshi-qon, krımnınaldyq jáne ákimshilik polıtsııa qyzmetkerleriniń jumysy nátıjesinde kóshi-qon zańyn buzǵany úshin sotqa deıingi tergeýdiń biryńǵaı tizilimine 78 qylmystyq quqyqbuzýshylyq tirkeldi», dep atap ótti ІІM Kóshi-qon qyzmeti komıtetiniń tóraǵasy Murat Qabdenov.
Onyń sózinshe, izdeýde júrgen 14 qylmysker ustaldy, onyń 4-ýi TMD azamaty.
Kóshi-qon zańnamasyn buzǵany úshin barlyǵy 3 myńnan astam sheteldiktiń elimizde ýaqytsha bolý merzimi qysqartyldy.
